ပုံအာဂီုတ္ၚဲဏံမၞုံယၟု(လၟတၟိစိုတ်စိုပ်)မဒှ်ကီုရအဴ
နွံလၟမွဲဂှ်ညးတေံလုပ်အာဂြိုပ်တုဲ အာသၟာန်ရဲဗာ်ဆုတံဂှ် ယွံရဲတံ ဆဵုမံၚ်ကၠိက်ဂြိုပ်ကီုဟာ၊ ဒၞာဲလဵုရောပှ်ကၟိုၚ်ဒြာဲနွံမံၚ်ဂှ်ရောရဲတံ၊ ဆဂးဂှ် ရဲဗာ်ဆုတံဂှ်လေဝ်ဟွံဆဵုမွဲလှ်ေနာဲလၟဏံဂွံနၚ်သတ်ဂြိုပ်မွဲဝါကီုရ၊ နွံမွဲတ္ၚဲဂှ်ပၠန် နာဲလၟတၟိဂှ်ညးတေံလုပ်အာဂြိုပ်တုဲ အာဆဵုကဵုရဲဗာ်ဆုမွဲဂှ်တုဲ ညးတေံသၟာန်တိုန်ပၠန်ရ၊ ယွံကောဂၠု ကောဂၠုကေၚ်ဆဵုမံၚ်အရၚ်ဇိုၚ်ဇာဒိသိုၚ်ကီုဟာ လဴထ္ၜးကဵုအဲမွဲတုဲညိ၊ မၞိဟ်ဗာ်ဆုဂှ်ကလေၚ်ဟီုကဵုလၟတၟိဂှ်တှ်ေ မိက်သ္ဂောံဆဵုတှ်ေဗက်ကၠုၚ်ညိ၊ တေံတေံဆဵုမံၚ်သေၚ် ဇာဒိသိုၚ်ဂှ်နွံမံၚ်ပ္ဍဲထီုတေံဂှ်ကီုရ၊ ဓဝါဲဂှ်နာဲလၟတၟိဂှ်ညးတေံဂွံမိၚ်ကေတ်သာ်ဂှ်တုဲ ညးတေံမုက်မတ်ပလေဲတိုန်စွံမုက်မတ်ဟွံဒးတုဲ နာဲလၟဂှ်ကလေၚ်သၠာဲထောံအရေဝ်ရ၊ (အဵု အဲဆၜိုတ်မိက်သ္ဂောံဆဵုအရၚ်ဇိုၚ်ဇာဒိသိုၚ်သၟးသၟးရ၊ ကၠုၚ်ပန်ပှော်ဇာဒိသိုၚ်သွံသေၚ်ပုဟ်) ။
ပုံအာဂီုဏံဝွံ ဗ္တောန်လဴကဵုပိုဲကောန်ဂကူတံဟီုဂှ်တှ်ေ (မၞိဟ်အစောံစရာဲဟွံမွယ်တံဂှ် ဟီုကျာမံၚ်သၟးကၠာဟွံဆဵုပေါဲဗ္တိုက်) ။
ไม่มีความคิดเห็น:
แสดงความคิดเห็น