ပုံအာဂီုတ္ၚဲဏံမၞုံယၟု(ကောန်ဍိက်ၜါကဵုစာၚ်ကၟက်)မဒှ်ကီုရအဴ
သၟတ်ဗြဴၜါဂှ်ဒှ်ဒၟံၚ်ကောန်ဍိက်ပ္ဍဲသ္ၚိသေဋ္ဌဳဂှ်ရ၊ သေဋ္ဌဳပ္ဍဲသ္ၚိဂှ်ပၠန်လေဝ် ညးတေံက္တဵုကော်ကောန်ဍိက်ၜါဂှ်ကၠာအခိၚ်တ္ၚဲဟွံတၟးဏီတုဲ သွက်သ္ဂောံကၠောန်ကမၠောန်ရ၊ (စာၚ်တေံဂြဴတှ်ေကၠုၚ်ကဵုပိုဲက္တဵုတွဵု)ဍိုက်ဗြဴၜါဂှ်ဟီုဒေါန်ဟွံပေၚ်စိုတ်ကဵုသေဋ္ဌဳဗျုဂှ်ရ၊ ဒၟာနူစာၚ်ကၟက်ဏံဂြဴဂှ်ရပိုဲညးၜါဒးက္တဵုနူသ္ဂာတ္ၚဲဟွံတၟးဒးကၠောန်ကမၠောန်တုဲ ဟွံဂွံတိက်တ္ၚဲစူစူမွဲလှ်ေ ကောန်ဍိက်ဗြဴၜါဂှ်ဟီုတဴရ၊ ဓဝါဲဂှ်ဍိက်ဗြဴၜါတၠဂှ်ကေတ်ကသပ်ချပ်ဂၞန်ညးသ္ကံသွက်သ္ဂောံဂစိုတ်ကၠေံစာၚ်ကၟက်ဂှ်ရ၊ ယဝ်ရစာၚ်ကၟက်ဏံဟွံမွယ်တှ်ေ သေဋ္ဌဳဟွံၚုဟ်သွက်သ္ဂောံကဵုပိုဲက္တဵုပြဟ်ပြဟ်ရ၊ တ္ၚဲယးဂှ်ပၠန် သေဋ္ဌဳဗျုဂှ်ညးတေံတီကေတ်စာၚ်ကၟက်ဏံဟွံမွယ်တုဲ ညးတေံဂွိၚ်ဖေက်တိက်တ္ၚဲစူအာတုဲ အလန်ဏံတှ်ေ သေဋ္ဌဳဗျုဂှ်လေဝ် အာက္တဵုကောန်ဍိက်ဗြဴၜါဂှ်သွက်သ္ဂောံကၠောန်ကမၠောန်နူကဵု(၁၂)နာဍဳဗ္တံရ၊ အလန်ဏံတှ်ေ သၟတ်ဗြဴၜါဂှ်လေဝ် ဒးက္တဵုကၠောန်ကမၠောန်နူ(၁၂)ဗ္တံတုဲ ဟွံဂွံတိက်ဖဲဖဲတ္ၚဲစူစူဗီုချပ်လဝ်ဂှ်ရ။
ပုံအာဂီုဏံဝွံ ဗ္တောန်လဴကဵုပိုဲကောန်ဂကူတံဂှ်တှ်ေ (ကဵုဒဒိုက်ကဵုညး ဒဒိုက်တေံစိုပ်ဇကု) ။
ไม่มีความคิดเห็น:
แสดงความคิดเห็น